filp flop hostel夾腳拖的家

預先講聲.........我呢d cheap cow又膽小, 儘可能都會住hostel,
所以呢.........如果你係個d住要住得好o既人, 呢篇blog就唔o岩你睇啦~^^


時間過得好快~ 去台灣已經係一個月之前o既事~

諗住唔寫, 但係又想寫~ 雖然冇乜內容可言,

一來想做個記錄, 二來今次住的hostel 唔錯唔錯,

所以都係唔寫唔得~ ^^



雖然由係日本識o左班台灣同學至今廿一年, 係呢20年去過唔少次台灣,

但其實實際認真去plan玩台灣, 都只不過係呢幾年o既事~ 尤其係2012年買o左呢個匙扣,

我至攪清楚台灣o既東南西北~ ^^

今次張機票唔洗錢, 之但係又可以比我改3,4次都唔洗加錢, 真係抵讚到暈

以後去台灣, 我都會試下唔同口味o既飛機餐~(網上check in時可以有得選)

今次係素食

雖然樣唔靚, 味道其實唔差~ 仲有豆腐花食tim~

今次出師其實有點不利, 我去到桃園機場都未到零晨12點,

但係國光號唔知攪乜, 個售票亞伯係都唔賣車飛,

又唔係電腦壞, 大大聲叫人想快就轉搭其他公司o既車出台北,

個d車又唔係直達台北, 只係去西門町之類, 我緊係唔制,

等咪等囉~ 卒之要搭零晨1點o既國光號~


今次book o左呢間hostel

夾拖鞋的家~ flip flop hostel



佢係京站隔離, 好彩出發前開心院友上網幫我搵到個地圖,

如果唔係, 夜晚點幾鐘盲摸摸都幾驚o架~


門口幾靚仔~

hostel 外表

到步已經差不多零晨2點.........下次都係唔好搭10點幾咁夜o既機~


大廳好鬼大~  ~ 呢間夾腳拖係我係台北住過幾間HOSTEL之中最正o既~
仲正過以前台北橙舍, 不過可能因為10月至開, 所以仲係好鬼新~

話明夾腳拖,所以hostel o既室內穿拖鞋係人字拖~

老闆知道我深夜至到, 所以預先話我知大門密碼 

(每日更改), 亦都預先話我知條房key放係邊~

明知三更半夜o黎, 而hostel 又有單人房, 緊係唔好住碌架床啦, 擾人清夢嘛..

單人房係5樓, 攞住行李都幾係o野~

平價hostel 係咁o架啦...........細細間o岩晒我呢d拍鬼o既小膽cow

單人房 NT900 一晚~  (約: HK$243)

雖然我怕鬼,,,但已經冇以前咁拍, 所以夜晚晚都係沖個靚涼先~

帶你地參觀下個廁所~ 通爽, 唔似以前橙舍咁密不透風~

沖涼房....................有一樣特別要讚.........就係~~~~~~

當然唔係呢個掛勾啦..............講番我好幾年前第一次住hostel, 完全冇地方放乾淨衫, 之後住個d, 有不锈鋼架放衫, 但係好易整濕d 衫, 所以每次去住hostel, 我都會自備膠袋放衫, ,,,,,,而呢間就係呢..............

除o左有掛勾, 佢居然有浴廉呀.........嘩啦啦~   如果你地入佢網頁睇,
就知夾腳拖團隊都係一班熱愛旅行o既年青人, 我地想要o既, 佢地一定知啦.

呢個浴廉作用雖然只係用o黎防整濕d衫,,,,,但就真係very good 囉
真係細心~ (哈哈哈,,,,我估你地一定感受唔到我o既開心)

夾腳拖的家網頁<--請按此

Flip Flop Hostel - Main Station, 台北, 台湾

No.103, Huayin St., Datong Dist.,, Taipei City, Taiwan (R.O.C), 台北, 台湾   地图和/或指向

更新搜索 »

知道吗，您可以在这里入住多达 31 晚 请注意, 价格是每人每晚 位于 TWD 房间类型 30 三 1 四 2 五 客人数量 单人间 独立间 分享 浴室 900.00 900.00 900.00    0   1    2 床 女生宿舍 700.00 700.00 700.00    0   1    Standard 标准间 独立间 分享 浴室 700.00 700.00 700.00    0   1   2   3   4   5   6    Basic 标准间 独立间 分享 浴室 700.00 700.00 700.00    0   1   2    4 床 女生宿舍 650.00 650.00 650.00    0   1   2   3   4    4 床 混合宿舍 650.00 650.00 650.00    0   1   2   3   4   5   6   7   8    6 床 混合宿舍 600.00 600.00 600.00    0   1   2   3   4   5   6   7   8    6 床 女生宿舍 600.00 600.00 600.00    0   1   2   3   4   5   6   7   8

呢 篇blog 只係講呢間hostel, 所以繼續介紹下先~

其中一層~

雙人房~  NT700一個床位  (HK$ 189)

, 唔可以只租一個床位, 一租要比HK$378

過多幾日由宜蘭玩完返台北,本來即晚坐10點幾夜機返香港, 不過
計劃有變, 而且張免費機票又比我係咁改,,,,所以留多一晚, 今晚又去返
夾腳拖的家~~~~~

hostel室內只可以著拖鞋, 大櫃比你放出街鞋

今晚冇晒單人房, 知道女生6人房今晚計埋我都只係住3個女仔,
每晚NT600  (HK$162)  ,所以緊係要住下體驗下啦~~~~~


同其他樓層唔同, 呢一層唔係隨便入, 要拍KEY

紅噹噹, 一睇就估到係女生樓層~

又一驚喜,,,,估唔到房間空間唔細, 仲有仲有就係呢.....又要讚..... ^^

每張床o既床頭都有個又大又深o既locker 呀~~~~~~~good到吖........

你地唔住hostel 就一定感受唔到呢個locker 有幾咁緊要~

08年去過日本, 亦都係住hostel, 一入住已經聽到有人唔見o左個銀包,
佢只係放係廚房幾分鐘咋....咁就冇o左啦

所以我以後住單人房都好, 銀包,貴重物品一定跟身, 唔會放係房
係去到邊都要帶住, 今次隔離床個韓國妹, 見佢個電話隨便放就唔應該啦.

有locker , 有光猛床頭燈真係跨啦啦嘞~~~

basement 

有得放行李, 不過好似自己隨便放,,,,咁即係話可以比人隨便攞囉??

唯一一個缺點~  不過呢度又唔係hotel, 係hostel 咋,,,

仲有洗衣機, 乾衣機~

洗衫NT40 (HK$ 11)    乾衣 NT10 (HK$3 可以乾8分鐘)

真係唔錯o既夾腳拖的家,,,,,單單丁一條友o岩晒~ 

好啦,,,,今次hea去台北主要目的,,,係日本識o既新加坡同學一行10幾人
飛o左去台北玩, 我當然唔執輸要飛過去聚舊啦~

1992年o既我地~ 好似冇乜大變喎~ ^^   留番下次再寫 , 88