我的網誌清單

2013年9月26日

將yahoo檔案搬至blogspot

我呢個blog仲未搬, 因為有5萬7張相, 2000幾篇blog, 而朋友另一個blog我已經幫佢搬o左
因為朋友個blog只有500幾張相, 69篇blog.

我參考了コーさん和豆丁blog.

第一次我搬了10個鐘, 因為乜都唔識, 今次因為有blog友唔識搬, 所以我嘗試開另一新A/C ,
影實物相再搬多一次, 盡量用圖片代替文字, 希望blog友睇得明.(第2次搬, 唔洗2粒鐘)





(((建議你地用IE開我呢篇BLOG睇, 然後去GOOGLE開你自己個BLOG跟住做))))


START~~~~~~~~~~

當然要係google開o左個blog先 (我用當紅"半澤直樹"開o左個a/c)






(1)   係yahoo 得到o既file要解壓, 解壓之後,  如下圖. 其中"images" 和最底那個mvoeable-type會利用到.
(請keep好呢6個原裝yahoo 檔案,  千祈唔好將新o野覆蓋呢六個file)

(呢張相係我朋友的細blog, 69篇blog, 500幾張相)


cowcow blog, 2000幾篇blog, 5萬幾張相, 所以yahoo的包袱有55個
(唔逐個開, 你係唔知moveable-type 個file係邊,  yahoo求其放, 原來我個moveable-type的file 係包袱45)




 試下開第一個包袱睇下d相~


你又會見到呢個........唔洗理, 你再按入.......



你就會發現有images呢個file, 再按入睇



就會見到呢d相, 你可以上傳上google drive




****注意點*** 題外話
係yahoo 個image檔案d相係大張o既, 所以請用方法把相片縮細.相片檔案名一定唔可以改,
一定要同yahoo的相片檔案名一樣 (我係用photocap縮http://www.photocap.com.tw/forum/

( 下圖我縮緊相. ) 



縮o左相的第2次搬家的模擬blog  (細相358x269 8.92kb,,,請務必去下面2條link , 睇下大細相的分別)
http://hanzawanaokijapan.blogspot.hk/search/label/2R%28%E6%A9%AB%E6%AC%BE%29%E7%BE%8E%E8%A1%93%E7%9B%B8%E7%89%87%E4%BF%9D%E8%AD%B7%E8%86%9C



358x269 冇爆blog~



未縮細相第一次搬家的原裝blog (超大張相1024x768 122kb)
http://diyphotoshop93623481.blogspot.hk/search/label/2R%28%E6%A9%AB%E6%AC%BE%29%E7%BE%8E%E8%A1%93%E7%9B%B8%E7%89%87%E4%BF%9D%E8%AD%B7%E8%86%9C



1024x768 就出晒界






(2) 上去雲端硬碟 https://drive.google.com


(3) 建立個資料夾


(4) 將"新資料夾"改為image





(5) 你會見到多o左個image




(6) 按上傳


按"檔案"



(7)搵番yahoo 個images 檔案   (如果你縮細o左d相, 你就上傳縮細o左o既相)






一次過high light d相 (每次500幾張都ok, 我試過一次2000張唔得^^)


你會見到彈o左個咁o既畫面出o黎






(8) 重要步驟-----按image  右制


選"共用"  共用

出現下圖



將私人改為公開




(10)  **右下角會出現一條LINK






**好重要的一條LINK, 你link去呢條link, 然抄低佢或者影低佢


(我就LINK o左去, 打開唔郁住, ) 因為一陣會有用, (白癡cow如果唔見o左條link, 唔知去邊度搵番出o黎, 所以如果好似我咁低能就要小心d)





---------------------------------------------------------------------------------------------------------



(11) 又去番雲端硬碟 , 按上傳, 因為要做另一part



檔案


又去番yahoo 個檔案, 要選最底那個"Moveable-Type





今次好快就攪掂 (可能得69篇blog )




(12) 按入"其他" ~ 選擇開啟工具~ 


Google 文件



會出現o左blog內容



(13) 再按 "編輯



最底有個  ~ "尋找與取代"


出現兩條空白框 , 



係尋找框打入        ../images/        

(14) 搵番個條相LINK  ~上面 步驟 (10)

COPY 條LINK 


放係下面 取代為個框入面



**重要點**
將原本的  https   唔要個 s 
(如下圖) 

按全部取代 




你會見到原本係../images/的地方, 已經變成google條link (即係成功o左啦)



(15) 然後按"檔案"




再選  "下載格式"

再選  "純文字" (txt)




**((((記得要知道呢個檔案save o左去邊))))



我將佢放係桌面.............因為怕自己搵唔到




------------------------------------------------------------------------------------------------------------

以上步驟我係參考コーさん的1-3步,,,,之後個d唔知點解做唔到,
所以我再去豆丁blog睇



(16)先download 個blogtrans 

 http://sourceforge.net/projects/blogtrans/files/

download 1.1


打開佢之後


你要搵exe 個file, 或者睇圖易d, 你會見到下面個幅圖. 選 Blogtrans



佢會彈o左呢個圖出o黎, 可以唔要~關o左佢



(17) 之後你會見到呢個圖, 按 "匯入"   再選 "MT檔案"



(18) 搵番 步驟 (15)個個檔案   -------我剛才save o左係卓面


你就會見到左邊出晒yahoo 舊網誌o既標題出來



我就乜都揀晒~      (19) 按     匯出


再選   blogger atom XML 




(20) 比個檔案名佢, 事但都得o架啦, 我叫佢做kanzawa  (放係卓面)





-------------------------------------------------------------------------------------------------------------


最後啦最後拉, 就快完成~

(21) 去番自己個blogger blog (仲係乜都冇o架, 但係好快就有o野睇~ ^^)





按右上角  "設計"



(22) 左下角 按   設定,,,,,,,,,,,,最底有個    其他



你會見到上面有   匯入網誌   


(23) 選擇檔案........................入番步驟(20) 個個檔案  


我改o左做hanwaza, 我唔知你地改o乜,,,,總之入步驟 (20) 個個file



(24) 按最下 匯入網誌~


話咁快,,,,(可能得69篇blog)     全部出晒o黎~ ^^ 大功告成啦~



你試下檢視網誌~



本來冇o野o既blog, 依家將yahoo的舊blog搬晒o黎啦.

得o左~!!   衷心希望各blog友們能夠順利搬blog


105 則留言:

  1. 得閑來參觀瀏覽下我們啦。

    回覆刪除
  2. 好利害! 你不笨, 咁複雜都攪掂! 一山還有一山低, 我睇到暈晒 @^@ . 多謝你咁詳細, 我要找時間去試吓先..

    回覆刪除
    回覆
    1. Win C, 我終於寫好啦, 你試下用IE 開我呢篇BLOG, 再用GOOGLE開你自己個BLOG, 兩邊一齊睇一齊搬, 試下得唔得.~ ^^

      刪除
  3. cow, 你好勁, 同好有心, 用晒圖像法, 但以我資質同耐性, 都是一舊雲.... >0<, 我用逐篇copy 法, 都搬左好多(想留住的), 有d 未必搬lu, 感激你!

    回覆刪除
    回覆
    1. BETTY, 你試一次搬啦. 我第一次唔識盲中中用o左10個鐘, 今朝第2次搬用O左唔洗兩粒鐘. 所以你試下跟下D圖, 應該都唔洗2粒鐘O架, 如果你唔縮相.

      刪除
  4. 你好,我提你一下。Googlo Drive有15G,你太多相會上载唔晒。另外,想加快上载,可以直接用PC板雲端,再同步,快3倍以上 ^0^我搬咗啦,3種方法都用咗!不過,有D相唔見咗,得閒再搞。。。

    回覆刪除
    回覆
    1. >_< 我太多相唔知點攪, 我係電腦白癡, 你o既方法我要消化啊~

      刪除
    2. 喂,我試咗你介紹嘅PhotoCap,640X480,13000張相只有1G多D,你6萬張都唔會爆,OK啊!

      刪除
    3. 係呀,,,,我都預計我唔會爆呢~ ^^

      刪除
    4. 我依家上傳o左6000張相啦....一日搬一d~ ^^ 但我仲未收到yahoo 的 movable type呢個file呀~ 真係頭痕

      刪除
  5. すごいですね!原來diyphotoshop係仔啲friend.

    回覆刪除
    回覆
    1. 同埋你有五萬幅相,縮小就一定要,另外最好開多個gmail做google drive放YB相. 即blogger用一個gmail,google drive用第二個gmail, 就無咁快爆。

      刪除
    2. 但咁o既方法我d blog識得連線去d相嗎/? T___T 我係電腦白痴啊..........好難消化好難明啊~
      コーさんはやっぱり日本語がわかるんですね~ ^^ あれは以前やっていたサイドビスネスです、今店持ってないけど、お客様が電話1本来れば出前するんですけど。。。。。。。

      刪除
    3. 你step 8將d相開做public,所有人都睇到,包括你第二個gmail account. 其實做法一樣,只係step 2-10用另外gmail做,step 11開始用番blogger gmail account.

      我好耐之前學過/考過日文,不過唔記得哂,睇還可以,講寫已經有難度。

      刪除
    4. 等我齊晒yahoo來下載檔案再努力學, 我依家收到yahoo 55個file, 全都係相, 5萬幾張相, 但係其他file未齊, 尤其係moveable-type個file....所以依家唯有試下縮細d相先啦~ 你個個教縮相我都未有時間細心閱讀, 只外有fd話可以幫我縮細圖. 但乜都要等yahoo齊file至郁得.
      原來如此....日文~ ^^  

      刪除
    5. コーさん你可唔可以幫我解答下面ESTHER CHAN的問題啊, 我唔識答佢啊~ 麻煩晒你~

      刪除
  6. 回覆
    1. 你試下可唔可以搬家啊~

      刪除
    2. I am still uploading photos to google. I have 7500 photos. But I am lazy to reduce its size. Now it has used up 1.5G after uploading 4000 photos. I have still to upload 3000 photos. After I upload the photos, I will move the blogs.

      刪除
    3. 上面小肥用photocap縮細o左13,000張相, 只有1GB多D
      小肥2013年9月28日下午10:20
      喂,我試咗你介紹嘅PhotoCap,640X480,13000張相只有1G多D,你6萬張都唔會爆,OK啊!

      (其實用PHOTOCAP 縮1000張相都係幾分鐘咋.... 我COW BLOG 縮細o左d相, 已經上傳o左1萬張相)

      刪除
  7. cowcow,終於揾到你呀!
    不過我仲白痴,决定放棄舊blog,從新開始!

    回覆刪除
    回覆
    1. HELLO SANDY~!!! 終於相認了~
      你試下跟住上面D 步驟搬家吖, 搬唔到至放棄都未遲啊~

      刪除
  8. wa @@ 好有心機 , 我都仲未搬 @@ 到時要參考一下

    回覆刪除
    回覆
    1. 因為我太低能,電腦白痴 第一次搬家用o左10個鐘, 唔想blog友搬唔到, 所以特登搬第2次, 一路搬一路影相, 希望blog友們睇得易明d~ ^^ , 如果有參考價值, 你搬家時入o黎睇吓吖.

      刪除
  9. Wow ~ 好堅呀 , 搵日得閒試試先 .
    多謝你咁詳細既資料提供 , 我都煩緊點樣搬屋 . ^_^ !!

    回覆刪除
    回覆
    1. HI man wai, 但係多相o既話, 我都唔識點搬啊...所以我要等齊yahoo o既檔案我至郁得手~ 
      如果你跟d高手教法睇唔明, 試下入o黎用低能教法吖~ ^^

      刪除
  10. 回覆
    1. 對BLOG友有用就好啦, 不枉我第一次盲舂舂花10個鐘搬blog, 知道類似我唔識電腦o既人, 睇圖比睇字易得多, 識電腦o既三言兩語攪掂, 我呢d真係要人逐步教o架~~~~~~^^

      刪除
  11. cowcow, 你好叻呀 !!! 又不怕煩和我地分享, 謝謝你呀 !

    咁係未要YAHOO打包備份左先呀 ??

    回覆刪除
    回覆
    1. 係呀,,,,講緊係已經從yahoo 打包o左備份~^^ 搬去blogger的方法

      刪除
  12. 由step 1 到 step 2, 要先縮細相先,請問要幾細才合格? 即是多少M?

    回覆刪除
    回覆
    1. pig6pig, 其實有關電腦知識我係唔識o架, 所以我唔多識點解釋, 第一次搬家時太大張, 到第2次搬家我就嘗試縮細張相, 我其實求其縮, 唔超過640x480 都應該問題唔大.
      我放o左2張相係上面, 有尺寸和像素, 你再入去2篇blog睇, 你就知分別有幾大了.
      希望幫到你~~~~~~~~~~~~~~

      刪除
  13. 睇到我頭暈暈,我要慢慢消化﹗

    回覆刪除
    回覆
    1. 一定要一路搬一路睇至明㗎,齋睇會頭痛

      刪除
  14. 嘩!救命呀!好煩呀.........見到都驚!

    回覆刪除
    回覆
    1. 肥仔嘜, 依家搬o左兩次, 如果你少o野, 一d都唔煩, 我咁笨都得啦. 我教你吖

      刪除
    2. 我有180篇!不過唔知有幾多相!等我消化一下妳呢篇野先!

      刪除
    3. 齋睇會頭暈o架......最起碼你要攞o左yahoo 個包袱先~一路搬一路睇至明~ 180篇其實都算少啦.....應該唔太難, 我個cow blog就煩, 但係yahoo 又比唔齊料我, 所以我依家只可以做o既, 只有縮細d相先, 因為有5萬7張相呀.

      刪除
  15. 你仲未撳制呀?? 你有幾多相和幾多篇blog呀?? 唔難o架......

    回覆刪除
    回覆
    1. 未呀!我重未飲孟婆湯呀!等投胎咁款死唔死妳話!

      刪除
  16. 哈哈哈.....我本來都唔捨得唯讀個yahoo blog, 係要就瓜至o黎流量高, 每日都唔知點解會過100人次o既, 不過我同自己講, 唔可以好似留戀前夫肥仔咁...........c就c啦, 撳制...........乜都忘記晒~~~~~~~~~~~~就好啦. 哈哈哈.

    回覆刪除
  17. CowCow 真好心機真好人。 好詳細0牙。 但大人人話睇相都睇到めまい !! 

    回覆刪除
    回覆
    1. 哈哈哈,どうしよう~一回やって見たら

      刪除
  18. 非常簡易及詳細
    之前亞飛也做了滙出步骤
    但覺需時
    而且想留的 BLOG 不多
    所以用 COPY AND PASTE 算吧

    回覆刪除
    回覆
    1. 文字冇問題, 相片第時yahoo摺埋會變死圖啊.

      刪除
  19. 還有 COW COW 妳跳得很高耶......... 哈哈!

    回覆刪除
    回覆
    1. 哈哈, 通常呢d跳跳相, 唔係跳得高, 其實係揸機個個影得好. 你下次試下影人跳吖, 但你要低抄上去影啊, 咁就會影到好似跳得好高咁~ ^^

      刪除
  20. 嘩,乜咁複雜,我都係用auto算喇.@@

    回覆刪除
    回覆
    1. 我呢D冇乜電腦知識睇圖跟著做易明過睇字啊,唔好比咁多相嚇親,跟著做應該搬到家啊

      刪除
    2. 我去睇過Yahoo介紹既隨意窩又好似幾好喎.我已經跟Yahoo講做咗備份,只有200幾MB.應該有排都未到要收費既2G.

      刪除
    3. 不如去weShare,只不過依家様衰D,但話晒香港人地頭嘛

      刪除
  21. 回覆
    1. 看你詳細寫這篇 Blog 呀!
      我搬了家後發覺不少 Blog 的留言消失,累得我要從自己以前 Backup 檔,又或者返回 Yahoo 舊 Blog Copy 番遺漏了的留言,真好費神。

      所以你搬完都要 Check 多次。

      刪除
    2. 我咁多篇blog, 如果真係成功搬完,,,我諗我唔會再仔細到去檢查留言啦........你真係好心機啊.

      刪除
  22. 唔錯~我都要嚟學下野先得....THANK YOU........週日快樂!

    回覆刪除
    回覆
    1. 你唔甩google +呀?? 一路用真名寫blog??
      今日你地去o左邊度玩呀??

      刪除
  23. 謝謝你間中教了我如何加入「最新留言」└(゜∀゜)┘

    回覆刪除
    回覆
    1. 係咩?? 乜我有教呀~ ^^唔記得o左tim~

      刪除
  24. Hi, 你好, 睇咗咁多個搬 blog 方法, 你呢個對於我ed 電腦白痴黎講最易明, 已經成功搬咗個細blog, 大呢個依幾日都會開工, 搬完了咗件事疊埋心水去旅行 :)

    回覆刪除
    回覆
    1. HI 你好~! 係咪睇呢篇BLOG搬成功o架?? 咁就好啦, 我驚我影漏相, 或者寫到你地唔明點去搬~^^
      我低能cow用番d低能方法, 希望同一樣睇唔明咁多電腦用語o既blog友搬blog成功~ ^^
      祝你旅行玩得開心~

      刪除
  25. 經過3日....每晚UPLOAD少少.....今晚應該UP完@.@
    我會盡力下去......

    回覆刪除
    回覆
    1. 加油啊~ 你有幾多相呀?? 我已經up o左14000張相上去啦........仲有4萬3~ (呵呵呵, 如果係錢就好啦)

      刪除
    2. 路人甲 : 都話叫你系Goolge Drive 下載個PC 版落自己部電腦, 再將個IMAGES 資料夾拉入去- 佢會自己同步, 快過你[上載] 架. . .已經上載咗嘅佢會自己認到, 唔怕重複 !!

      刪除
    3. 唏, 肥哥仔. 都話低能cow囉...........齋講冇圖邊識o者.

      刪除
  26. 妳好有心機呀! 我家電腦是老爺機, 在yahoo我有1000篇和數仟張相, 所以如果認真搬過來我應該一定死機, 所以還是.......

    回覆刪除
    回覆
    1. 我都係, 係屋企好難上傳相到google drive, 所以我都係係公司至搬到blog呢~
      wecheck有得輕鬆搬呀~ 我聽日會去輕鬆搬~ ^^

      刪除
  27. 借問一聲, 如果我全個備份只佔1.5G, 入面己包含萬幾張相, 係咪即係我已經夠細幅, 唔駛再縮啦?

    回覆刪除
    回覆
    1. 請問你咁搬法係咪唔包留言既呢?

      刪除
    2. 你RightClick張相,會顕示張相的尺寸(請睇呢篇blog第4張和第6張)唔超過640x***都應該OK、第6張相係1024x768就爆晒blog(像素低但尺寸大),所以你1.5GB都唔知你D相尺寸有多大呢

      刪除
  28. 開了, 但搬未成功!
    http://yymok.blogspot.hk

    回覆刪除
    回覆
    1. 今日發覺你已經唯讀YAHOO BLOG, 估唔到你咁快o黎留言~ ^^

      刪除
  29. 你好呀,我已經將我12000張相upload左上google drive,但原來要縮圖嗎???那現在我怎麼辦??是否必須縮圖???我是不是要由頭黎過?????救命呀!!!咁如果一定要縮圖,係咪可以一次過12000,或分幾次就可以縮晒d圖??定要一張一張咁縮????另外,我係分開左500張一個file咁upload上drive,做法是否同得一個folder做的一樣??thanksss!!!

    回覆刪除
    回覆
    1. 啊,我電腦白痴,你可唔可以去問KOOSAN啊

      刪除
    2. Sorry啊,幫你一唔到>_<

      刪除
  30. 今日諗住用你既方法搬家,點知雅虎下載既hk-blog_2013-10-11_Moveable-Type文件裡面既相片名稱原全與妳地唔相同,我每一張既名稱之前都係咁樣,但最尾既/32/1/每張相都不同架,我唔可以一次過改哂,我有八仟幾張無可能逐張逐張!
    http://blog.yimg.com/3/J8c2y.l7s5_HtNAUG5tG28voZB_xIkPYDlgHrHyA_Wd0arIPhO8hCA--/32/l/

    放棄用呢個方法啦!

    回覆刪除
  31. 你講改images?唔係好明,即係步驟幾

    回覆刪除
    回覆
    1. 我既雅虎打包檔hk-blog_2013-10-11_Moveable-Type內既相片images原全同妳既唔同,又唔可以用goolge文件打開,由早上整到下午都打唔開,用電腦文件檔打開之後,見到係冇images呢個字,由我撳制只係半小時雅虎巳發電郵通知我download,八個壓縮檔共2GB多小小,我有諗住算架啦!不過條氣唔順谷鬼氣咪搬左之隨意屙啦!再由那邊復制落GOOGLE BLOG,慢慢開始攪啦!

      刪除
    2. 可能我講得唔好, yahoo比我地的檔案要先解壓.
      解完之後, 我地係要將images o既檔案先放上google drive. ( moveable type係後期至用, 並唔係用moveble type內的相片)
      上面步驟1, 張相內咪有6個file o既, 第2個file咪係images, 你要將呢個images 放上blog.

      我再放cowcow 的檔案圖片上去. 你睇下明唔明.(等我一陣, 依家放)

      刪除
    3. 請問你睇唔睇得明呢??

      刪除
    4. 其實妳寫得好清楚架啦!我有放D相上google架!我講既係雅虎download落黎既moveable type檔裡面既相片檔唔同妳地呀!所以改唔到!唔緊要啦!用緊第ニ方法搬緊家

      刪除
    5. 嗚嗚嗚嗚........居然幫你唔到~ >___<
      我cowcow blog有30gGB

      刪除
  32. 請問你自己果個5萬幾張相, 2千幾篇blog成功backup & 轉去blogspot未? 我想問如果yahoo blog絕大部分blog & 相片都係set為私人, 在我backup yahoo blog前需要將全部blog & 相片轉返做公開嗎? 另外, 你收到yahoo zip files後點樣確定你yahoo blog內既所有網誌 & 相片都成功backup? 因為本人yahoo blog都有超過千五篇blog及7千幾張相..

    最後, 我想問有關縮圖既步驟. 我已download photo cap, 但我點樣可以 / 去邊度找回yahoo blog內所有相片做縮圖? many thx for your reply!

    回覆刪除
    回覆
    1. HI, 你好~
      我仲未成功搬到個COWCOW BLOG過O黎, 唔知點解. (我上傳唔到個MOVABLE -TYPE個FILE, 即係做唔到步驟11.......)

      你入O左PHOTOCAP, 左上有"批次功能" 按入之後, 再選尾二 "變更型像格式和呎吋, 轉O左新畫面之後, 左上角有得選擇, 尺寸變更設定, 你可以改百份比.
      仲有"檔案路徑設定" 你睇下D相FILE SAVE去邊. (唔好SAVE番落去YAHOO個檔案入面) 你最好另開一個FILE儲存D縮細O左O既相. 你試下用幾他相試下縮O左先.

      刪除
    2. 我早幾日終於backup yahoo blog..半個鐘多d就搞掂, total 22個zip files..都要花時間逐個download..之後再試下跟你步驟做..希望搵到個MT file & 順順利利啦! thanks

      刪除
    3. 祝你早日搬家成功~^^

      刪除
    4. 我BACKUP左3次YAHOO BLOG都發現有相片及文章不齊全, YAHOO至今仍未給予用解決方法..所以仲未成功將YAHOO文章匯入BLOGSPOT..你最後搬到去WESHARE嗎?

      刪除
    5. 其實你點會發現不齊全呢??(好犀利呀, 下載O既包袱一忽忽, 我唔識睇齊唔齊呢)
      我搬o左一個月去weshare, 尋日終於搬晒~^^
      http://weshare.hk/cowcow/articles/835430

      刪除
    6. 在yahoo 比你既zip files入面, 有個article.htm 可以check番total有幾多篇文章, 再睇番自己blog有幾多篇就知有冇少到. 相片upzip後放在同一個folder內就會show到total有幾多相, 同樣check番自己yahoo blog有幾多張相就知有冇少. yahoo仲未比到解決方法我! >___<

      刪除
    7. OH, 乜你咁有研究.....我YAHOO BLOG個相簿我關閉O左, 所以係睇唔到有幾多張相啊......從來都冇留意TIM

      刪除
    8. 真係唔好意思, 我想用PHOTO CAP縮圖, 跟你指示, 已改尺寸及輸出路徑. 但我需要逐張相做嗎? 可以詳細教我點樣用PHOTO CAP? THANKS

      刪除
    9. 有關問題應該解決了! 現在正將6千幾張相縮圖...但我CHECK過就算未縮圖前, 咁多張相都只係6G幾, 其實係咪唔洗縮圖都OK呢? 定係尺寸都要改小至800*800? 我依家縮左D相多數都得300幾KB, 但SIZE都係OVER 1000*1000, 唔知會唔會出界呢?

      刪除
    10. 我上面個張1024x768都爆晒啊~

      刪除
  33. 多謝晒咁詳盡既blog....搵日會跟住做

    回覆刪除
  34. COWCOW,你好呀,我已經做到第13點啦,但我揀google doc,一開係話error,open唔到呀,咁點算???

    回覆刪除
    回覆
    1. Esther , yahoo的包袱你係幾時下載o架?? 聽コーさん講, yahoo好似改o左少少o野, 你去一去コーさん個blog 睇一睇, 佢有講有教.
      http://koosan.blogspot.hk/search/label/搬屋記

      刪除
    2. 我係9月中download架啦!!!

      刪除
  35. 超詳盡的細解啊... 謝謝您!! 我千幾篇萬幾張相搞咗好耐好耐好耐... 跟全你方法逐個step做都唔難啊, 不過最後整兩次, 兩次D相都係唔知點解變死圖... 嗚嗚嗚><!!

    回覆刪除
    回覆
    1. 嗚嗚嗚.........唔知點解唔得啊,幫你地唔到我都好傷心 (我自己去到最後都搬唔到, 但唔係相問題, 係movabletype個file有問題, 所以我依家跟koosan 請的copy & paste 去搬旅遊blog算啦.

      刪除
    2. 不如去koosan 個blog問下佢吖, sorry 呀.

      刪除
  36. 朋友您好,我叫张玮,我来自香港。我在这里向有需要的人传播好消息。当我妻子离开我去另一个男人时,我很沮丧,因为我因患癌症而破产,被要求停止工作。她带走了我唯一的女儿,所以我唯一的选择就是死去,我试图打电话给她,但是她不理我,我发了短信,突然她回答并告诉我不要再给她打电话或发短信了,所以有一天我联系了我在Facebook上的一个朋友,我向他解释了所有事情,他还告诉我他之前也遇到过同样的问题,他向我介绍了一个叫做osagiede博士的咒语施法者,他给我发送了他的个人电子邮件,我通过[doctorosagiede75@gmail.com]与他联系他很快回答我,我向他解释了我的问题,他告诉我不要担心他已经对这么多人做到了,我是一个从不相信咒语的人,但我愿意尝试一下,他向我保证24小时投下魔咒,还治愈了我的癌症,让我获得了更好的工作,突然他给我寄去了我所患疾病的药物,我服用了仅仅两天,我自由了,第二天我从不相信自己的眼睛,有人敲了敲我的门我没想到那天那天突然有人是我的妻子我哭了起来,我忍不住了,她恳求我,并请求我的原谅。我接到了我工作多年的公司的电话,被提拔为美国百利宫公司的经理,请帮我感谢osagiede医生恢复我丢失的所有东西之前,我会建议需要帮助的任何人,通过他的个人电子邮件[doctorosagiede75@gmail.com]或+2349014523836的whatsapp与osagiede医生联系,谢谢上帝保佑那些花时间阅读此见证的人

    回覆刪除

睇完求其實番兩隻字啦~